Túrkistan oblysynda ózen sýy kóterilip, aýlalardy basyp qaldy
TÚRKІSTAN OBLYSY. QazAqparat – Tólebı aýdanyndaǵy Lenger ózeniniń sý deńgeıi kóterilip, eki turǵyn úıdi sý basyp qaldy. Bul týraly QazAqparat TJK silteme jasap habarlaıdy.
«Túrkistan oblysyna qarasty Tólebı aýdanynyń Leńgir aýylynda jaýyn-shashynnyń mol túsýine baılanysty Lenger ózeninde sý deńgeıi kóterilgen, arnasynan shyqqan. Sonyń saldarynan eki jekemenshik turǵyn úı men 25 aýlany sý basyp qaldy», - delingen habarlamada.
Sondaı-aq, orta qysymdaǵy eki gaz qubyry búlindi, sonyń saldarynan jekemenshik sektorynda 83 abonent gazsyz qaldy.
«TJD, jergilikti atqarýshy organdar, «Qazselqorǵaý» MM kúshimen sý basqa jaqqa buryldy. Sondaı-aq uzaqtyǵy 57 metr jaǵany nyǵaıtý jumystary júrgizilip, 350 tekshe metr sý sorǵylandy. Apattyq-qutqarý jumystaryna TJ departamenti, Qazselqorǵaý jáne jergilikti atqarýshy organdardyń 126 qyzmetkeri, 31 tehnıka birligi jáne 14 motosorǵy jumyldyrylǵan», - dedi komıtetten.
