Túrkistan oblysynda Ózbekstannan Qyrǵyzstanǵa ketip bara jatqan avtobýs apatqa ushyrady
NUR-SULTAN. QazAqparat - 27 tamyz kúni tańǵy 07:18 shamasynda Túlkibas aýdandyq polıtsııanyń kezekshi bólimine jol-kólik oqıǵasy týraly habarlama kelip tústi, dep habarlaıdy QazAqparat QR Іshki ister mınıstrliginiń resmı saıtyna silteme jasap.
Oqıǵa ornyna jetken polıtseıler Shaqpaq aýylynyń mańynda 601 shaqyrym jerdegi jol qıylysynda avtobýs júrgizýshisiniń qalǵyp ketýi saldarynan rýlge ıe bola almaı, jol shetindegi oıpań jerge túsip ketkenin anyqtady.
Tekserý barysynda avtobýstyń Ózbekstannan Qyrǵyzstanǵa jol júrip bara jatqany jáne ishinde shetel azamattary bar ekeni belgili boldy. Jol-kólik oqıǵasynyń nátıjesinde jaraqat alǵan shamamen 12 adam jaqyn mańdaǵy aýrýhanaǵa qaraldy. Qaıtys bolǵandar joq.
Qazirgi ýaqytta atalǵan jaıt QR QK-niń 345-baby 2-bóligimen tirkelip, oqıǵanyń barlyq mán-jaıy anyqtalýda. Saraptamalar taǵaıyndaldy.
Oqıǵa ornynda Túlkibas APB anyqtaýshylary jumys isteýde.
