Túrkistan oblysynda oıynshyq qarý kezenip áıeldiń 1 mln teńgesin alyp ketken kúdikti ustaldy

TÚRKІSTAN. QazAqparat - Túrkistan oblysynda oıynshyq qarýmen áıeldi qorqytyp, 1 mln teńgesin tartyp alǵan kúdikti ustaldy, dep habarlaıdy QazAqparat tilshisi.

Tóle bı aýdandyq polıtsııa bólimine aryzdanǵan jergilikti turǵyn úıine belgisiz bireý kirip, qarýmen qorqytyp 1 mıllıon teńgesi men uıaly telefonyn alyp ketkenin aıtqan. Keltirilgen jalpy shyǵyn kólemi 1 100 000 teńge.

Osy oqıǵany polıtsııa qyzmetkerleri Qylmystyq kodekstiń 192-baby boıynsha tirkedi. «Qaraqshylyq» baby boıynsha tirkelgen istiń tolyq mán-jaıyn anyqtaý úshin tájirıbeli polıtseılerden jedel-tergeý toby quryldy. Nátıjesinde kúdikti anyqtalyp, úıinen ustaldy. Tergeý barysynda kúdikti jábirlenýshi áıeldi oıynshyq qarýmen qorqytyp aqshasyn alyp ketkeni belgili boldy.

Polıtsııa aıǵaq retinde tárkilengen uıaly telefon men 1 mıllıon teńgeni ıesine qaıtardy. Qazir kúdikti qamaýǵa alynyp, tergeý amaldary júrgizilip jatyr.