Túrkistan oblysynda oınap júrip joǵalyp ketken 4 jasar bala tabyldy
OTYRAR. QazAqparat - Túrkistan oblysynda joǵalǵan 4 jasar bala tabyldy, dep habarlaıdy QazAqparat.
Otyrar aýdany polıtsııasynyń kezekshi bólimine jergilikti turǵyn kómek surap kelgen.
Ol óziniń 4 jasar ulynyń úı aýlasynda oınap júrip, shyǵyp ketkenin aıtqan.
Habardy alǵan Otyrar aýdany PB jergilikti polıtsııa bólimshesiniń patrýldik polıtsııa tobynyń qyzmet ınspektorlary polıtsııa leıtenanty Qýanysh Sátpaev pen polıtsııa aǵa serjanty Erbol Ámirqululy jáne ýchaskelik polıtsııa ınspektory polıtsııa aǵa leıtenanty Jasulan Pirimjanov joǵalǵan balany izdeýge birden kiristi.
Tártip saqshylary jan-jaqty túgel sholyp shyǵyp, jasóspirim balanyń júrýi múmkin jerlerdiń barlyǵyn muqııat tekserdi.
Polıtsııa qyzmetkerleriniń tynymsyz eńbekteriniń nátıjesinde 4 jasar bala kórshi kóshede oınap júrgen jerinen tabyldy.
Óz kezeginde otyrarlyq saqshylardyń jedeldigine rıza bolǵan ákesi óz alǵysyn jetkizdi.
«Polıtsııa qyzmetkerlerine raqmet. Nebary 30 mınýttyń ishinde joǵalǵan balamdy taýyp berdi. Іsterińiz alǵa basa bersin», - dep shynaıy rızashylyǵyn bildirdi.
Osy tusta Túrkistan oblysynyń polıtseıleri ata-analardy balalaryna saq bolýǵa shaqyrady.
Jasóspirimderdi úıde jalǵyz qaldyrmaý kerektigin eskertedi.
Sonymen qatar balanyń tili shyǵa salysymen aty-jónin jattatyp, turǵylyqty mekenjaıyn úıretýge keńes beredi.
