Túrkistan oblysynda ótken jármeńkede jergilikti turǵyndar turaqty jumysqa ornalasty
TÚRKІSTAN. QazAqparat – Túrkistan oblysynyń Túlkibas aýdanynda ótken «Bos jumys oryndary men laýazymdy qyzmetter» jármeńkesinde jergilikti turǵyndar turaqty jumysqa ornalasty. 54 jumys berýshi mekemelerden 166 bos jumys oryndary týraly oryndar usynyldy, dep habarlaıdy QazAqparat tilshisi.
Bos jumys oryndarynyń ishindegi suranystyń kóp bóligi bilim salasynan tústi. Atap aıtqanda, orys tili jáne ádebıeti, aǵylshyn tili, matematıka jáne fızıka pánderiniń muǵalimine suranys joǵary boldy. Qazirgi tańda aýdan mektepterindegi barlyq pedagogıkalyq bos jumys oryndary «jumýs.sitcen.kz» saıtynda jarııalanyp, jumysqa konkýrs negizinde qabyldanady. Úmitker osy saıtqa jeke elektrondy poshta arqyly tirkelip, ótinish tastaý arqyly konkýrsqa qatysa alady. Jármeńkege jumys izdep kelgen pedagogtarǵa túsindirme jumystary júrgizilip, konkýrstan ótý usynyldy. Jumyssyz jandar sondaı-aq, «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy» aıasynda jastar praktıkasy men qysqa merzimdik kásiptik bilim alýǵa shaqyrtyldy. Olarǵa oqytý kýrstaryna qatysý tártibi túsindirilip, baǵdarlamaǵa qatysýǵa bolatyny jetkizildi. Jármeńke qortyndysymen 32 jumyssyz azamat bos jumys oryndaryna joldandy. Jastar praktıkasyna 7 jas jiberilse, qysqa merzimdi kásiptik oqytý kýrstaryna 47 azamattyń qujattary qabyldandy.
