Túrkistan oblysynda ótken «Adaldyq saǵatyna» 40 myńǵa tarta jas býyn qatysty

TÚRKІSTAN. QazAqparat – QR Sybaılas jemqorlyqqa qarsy is-qımyl agenttigi Túrkistan óńirlik departamentiniń uıymdastyrýymen biryńǵaı jalpyrespýblıkalyq «Adaldyq saǵaty» ótti.

Jappaı biryńǵaı saǵatqa 903 bilim mekemelerinen 40 myńǵa jýyq jas býyn qatysty, dep habarlaıdy QazAqparat tilshisi.

«Adaldyq saǵaty» óskeleń jas urpaqtyń ón boıyna parasattylyq pen ádildikti, senim qundylyqtaryn sińirýge jáne jas býynnyń rýhanı bolmysyn bekitip, sybaılas jemqorlyqqa qarsy mádenıetin qalyptastyrý maqsatynda uıymdastyryldy. Igi bastamada «Sybaılas jemqorlyqqa qarsy jazǵy mektebinde» dáris alyp, arnaıy sertıfıkat alýshylar «Parasattylyq elshileri» taqrybynda lektorlyq ettti.

Odan bólek, biryńǵaı saǵatta oblystaǵy sybaılas jemqorlyqqa qarsy quqyq qorǵaý organdary ardagerlerleri keńesiniń ókilderi Túrkistan qalasy men Ordabasy, Saıram jáne Tólebı aýdandaryndaǵy bilim alýshylarǵa dáris oqydy. Aıta keteıik, bul ıgi bastama dástúrli túrde jyl saıyn «1 qyrkúıek - Bilim kúninde» bastalyp, oqý jylynyń sońyna deıin ár toqsannyń basynda júıeli túrde qoǵam belsendilerin qatystyra otyryp ótkiziletin bolady.