Túrkistan oblysynda órtke qarsy kúres jumystary kúsheıtildi
TÚRKІSTAN OBLYSY. QazAqparat - Túrkistan oblysynda jyl basynan beri 7 orman órti tirkelgen. Qazirgi tańda tótenshe jaǵdaılardan keltirilgen jalpy materıaldyq shyǵyny anyqtalýda.
Osy sııaqty keleńsiz jaǵdaılardy boldyrmaý maqsatyndatıisti jumystar atqarylýda. Bul týraly búgin oblystyq TJD órt qaýipsizdigisalasyndaǵy baqylaý jáne profılaktıkalyq qyzmet basqarmasynyń bastyǵy Baqytjan Zaparov óńirlik kommýnıkatsııalyq qyzmetindegi baspasóz jıynynda málimdedi.
Onyń sózinshe, aımaq basshysy Janseıit Túımebaevtyń jazǵy órt qaýipti kezeńinde oblys aýmaǵynda órt qaýipsizdiginqamtamasyz etý maqsatynda bergen tapsyrmalary josparǵa sáıkes oryndalýda.
«Oblys ákiminiń tapsyrmasyna sáıkes Badam orman sharýashylyǵynda tıisti mekemelerdiń qatysýymen sozylmaly tabıǵı órtterdi sóndirý boıynsha órt-taktıkalyq oqý-jattyǵý ótkizilip, tabıǵı órtterbolǵan jaǵdaıda barlyq kúshter men quraldardyń jumyldyrý tártibi pysyqtaldy. Sondaı-aq, oblys aýmaǵyndaǵyorman qory jerlerinde órt qaýipsizdigin qamtamasyz etý maqsatynda ormansharýashylyqtarymen birlesken is-qımyl jospary bekitildi», - dedi Baqytjan Zaparov.
2018 jylǵa oblys aýmaǵynda orman jánedala órtterin der kezinde anyqtaý maqsatynda ǵarysh monıtorıngine jalpy 6,5 mln teńge qarjy qaralyp, tıisti mekememen kelisimshart túzilgen. Sonymen qatar,orman-dala órtterin der kezinde sóndirý maqsatynda qala, aýdan ákimdikteritıisti aýyl okrýgterinde jalpy 9713 adamnan turatyn 851 erikti órt sóndirý qurylymdaryn qurylǵan.
Odan bólek, shalǵaı jatqan eldimekenderdegi dala órtterin sóndirý úshin barlyq aýdandarda bir soqaly traktormen birge 3 tonna sýy bar tirkemeli bóshkelermen jalpy 23 ýaqytsha baqylaıtyn órtsóndirý beketteri qurylǵan.
Sonymen qatar, oblys aýmaǵynda orman jáne dala órtterine jol bermeý maqsatynda respýblıkalyq mańyzy bar avtomobıljoldarynda 802 shaqyrym, oblystyq mańyzy bar avtomobıl joldarynda 2804 shaqyrym, aýdandyq mańyzy bar avtomobıl joldarynda 2432 shaqyrym, temirjol boılarynda 477 shaqyrym, orman qory jerlerinde 8595 shaqyrym jáne astyq alqaptarynda 6235shaqyrym órtke qarsy eni 7-12 metrdi quraıtyn mıneraldy jolaq jyrtý jumystary júrgizilgen.
