Túrkistan oblysynda oqýshylarǵa arnalǵan «Ólketaný» oqýlyǵy shyǵyp jatyr
TÚRKІSTAN. QazAqparat - Túrkistan oblysynda oqýshylarǵa arnalǵan «Ólketaný» oqýlyǵy shyǵarylyp jatyr. Atalǵan oqýlyq 5,6,7 synyptarǵa arnalǵan. Bul týraly óńirlik kommýnıkatsııalar qyzmetinde ótken brıfıngte «Rýhanı jańǵyrý» baǵdarlamasy oblystyq jobalyq keńsesiniń jetekshisi Baqytjan Áshirbekov málimdedi, dep habarlaıdy QazAqparat.
Baqytjan Áshirbekovtyń sózinshe, óńirde Elbasynyń «Rýhanı jańǵyrý» baǵdarlamasy aıasynda atqarylǵan jumystar jeterlik. Qazirgi tańda atalǵan baǵdarlama aıasynda oblysta «Tárbıe jáne bilim», «Rýhanı qazyna», «Atameken», «Aqparat tolqyny» boıynsha 46 joba 168 is-shara ázirlenip, júzege asyrylýda.
«Ónegeli bir saǵat» jobasy aıasynda tárbıelik máni zor is-sharalar ulttyq qundylyqtar nasıhattaldy. Іs-sharada oqýshylardyń qoǵammen qarym-qatynasyn nyǵaıtýǵa, dúnıetanymyn keńeıtýge baǵyttalǵan taǵlymdyq áńgime órbidi. Onlaın rejımdegi taǵlymdyq sharasy ár onkúndikte basqa da tanymal tulǵalarmen júıeli túrde júrgizilip turady. Іs-sharaǵa Qazaqstan Respýblıkasynyń Mádenıet qaıratkeri, memlekettik «Daryn» syılyǵynyń ıegeri, aıtysker aqyn Bekarys Shoıbekov qatysyp, onlaın rejımde, ári bir mezette 67260 oqýshyǵa taǵylymdyq sabaq ótti. «Ólketaný» páni boıynsha oblystyq konferentsııa ótti»,- dedi Baqytjan Áshirbekov.
Aldaǵy ýaqytta «Ólketaný» páni boıynsha ólketanýshylardyń úzdik sabaq nusqalarynyń qory jasaqtalady dep josparlanǵan. Sondaı-aq vıdeosabaqtar ázirlenip, oblystaǵy mektepterde qoldanysqa engizilmekshi.
«Jyl boıy «Ólketaný» baǵyty boıynsha «Týǵan jerge taǵzym» aktsııasy júıeli túrde júrgizilip, oblys boıynsha 11000-ǵa jýyq oqýshy qatysty. Oqýshylar óz ólkesiniń tarıhymen tanysyp, týǵan jerge degen patrıottyq sezimderin ushtaı tústi», - dedi Baqytjan Áshirbekov.
Joba jetekshisi budan bólek «Abaı danalyǵy» jobasy boıynsha 1038 mektepten «Abaı álemi» klýby qurylǵanyn atap ótti. Búginde klýbqa 20 760 oqýshy múshelikke qabyldanǵan. Oblys kóleminde is-shara uıymdastyrylyp, belsendiligimen erekshelengen aýdan, qaladan 30 oqýshy iriktelgen.
«Jańa gýmanıtarlyq bilim. Qazaq tilindegi 100 jańa oqýlyq» jobasy aıasynda bıyl fılosofııa, áleýmettaný, psıhologııa, ekonomıka, menedjment, dintaný, lıngvıstıka, mádenıettaný, antropologııa, jýrnalıstıka salalary boıynsha JOO stýdentterine arnalǵan 18 oqýlyq aýdaryldy. Qazirgi ýaqytta kelesi 30 kitaptyń aýdarma jumysy jalǵasyp jatyr. Bul oqýlyqtar JOO stýdentterine arnalǵan. Satylymda joq. Alǵashqy 18 oqýlyq 10 myń danadan basylyp, 110 joǵary oqý ornyna tegin taratyldy.
Onyń ishinde, Túrkistan oblysyna 16000 dana kitap berilgen. Qazir oqytýshylar men professorlar, sala mamandary jańa kitaptardy 2018-2019 oqý jylynyń baǵdarlamasyna engizýge arnalǵan ádisteme daıyndap jatyr. Sonymen qatar, oqýlyqtardyń elektrondy nusqasy ázirlenip, ol Qazaqstannyń ashyq ýnıversıteti - openU.kz platformasyna júkteldi. Kópshilik osy jerden oqı alady. Sondaı-aq Ulttyq aýdarma bıýrosy ár kitap negizinde jeke-jeke 20 mınýttyq vıdeolektsııalar toptamasyn túsirip jatyr»,- dedi Baqytjan Áshirbekov.
Al, Túrkistan oblysynyń qasıetti, kıeli oryndarynyń ańyz-áńgimeler jınaǵyn shyǵarýǵa oblystyq bıýdjet esebinen 5 mln 580 myń teńge qarjy qaralǵan. Búginde «Ońtústiktiń qasıetti oryndary:ańyz-ápsanalar» atty 300- ge jýyq ańyz-áńgimeler jınaǵy shyqty. Sonymen qatar jobalyq keńseniń baıypty bastamalarynyń biri - «Altyn uıam» jobasy boıynsha 9 980 myń teńgeniń jumysy jasalyp, árbir azamattyń týǵan ortasyna degen qurmeti óz jemisin bergen. ıAǵnı, mektepti birneshe jyl buryn támamdaǵan túlekter ózderi bilim alǵan ordanyń abattanýyna jáne tehnıkalyq bazasynyń jaqsarýyna qolqabys kórsetýi osynyń dáleli ispettes.
