Túrkistan oblysynda oqýshylar arasyndaǵy fýtboldyń sońy jappaı tóbeleske ulasty
Áleýmettik jelide jastar arasyndaǵy jappaı tóbelestiń vıdeosy tarady. Onda oqýshylardyń alań ortasynda birin biri aıaýsyz uryp jatqanyn kórýge bolady.
Túrkistan oblysy polıtsııa departamentiniń málimetine súıensek, atalǵan jaǵdaı Qazyǵurt aýdanynda bolǵan. Eski ıppodromda ótken fýtboldyń sońy tóbeleske ulasqan.
«Tekserý kezinde bul fakt boıynsha aýrýhanaǵa eshkim júginbegen jáne polıtsııaǵa aryz túspegeni anyqtaldy. Sondaı-aq tártip saqshylary beınejazbadaǵy birneshe jas jigitti anyqtap, profılaktıkalyq áńgime júrgizdi. Qazirgi tańda polıtseıler tekserý júrgizýde jáne barlyq mán-jaılardy anyqtaýda. Bul fakt Túrkistan oblysy polıtsııa departamenti basshylyǵynyń jiti baqylaýynda» - delingen vedomstvanyń baspasóz qyzmeti taratqan aqparatta.
Aıta keteıik, bunyń aldynda Túrkistan oblysyndǵy eki mekteptiń oqýshysy bir-birine tas atyp, tóbeleskenin jazǵan bolatynbyz.
