Túrkistan oblysynda oqýshy sýǵa batqan 3 jasar búldirshindi qutqaryp qaldy

TÚRKІSTAN. QazAqparat - Túrkistan oblysynda úsh jasar búldirshin baıqaýsyzda aryqqa qulap, tunshyǵyp qalǵan. Bul jaǵdaı Maqtaaral aýdanynyń Abaı aýylynda bolǵan, dep habarlaıdy QazAqparat tilshisi.

Ernur esimdi búldirshin úıden shyǵyp, baıqaýsyzda sýǵa batyp ketken.

Ony atpen shaýyp bara jatqan jasóspirim kórip qalyp, shalshyq sýdan alyp shyqqan.

Segizinshi synyp oqýshysy Nurpolat Nurgeldi úlkenderdi kómekke shaqyrǵan.

Abyroı bolǵanda úsh jastaǵy búldirshin aman qaldy. Aýyl turǵyndary esinen tanyp qalǵan balanyń aıaǵy men qolyn qımyldatyp, jasandy dem berip, alǵashqy kómek kórsetken.

Sóıtip tiriltip aldy. Artynsha jedel járdem qyzmetin shaqyrtqan.

Aýdan ortalyǵynan kelgen dárigerler balanyń densaýlyǵyn tekserip, jaǵdaıy birqalypty, aýrýhanaǵa jatqyzýdyń qajeti joq degen qorytyndy jasaǵan.