Túrkistan oblysynda oqýshy qyzdy zorlap, ózine qol jumsaýǵa deıin jetkizgen jigitke úkim shyqty

TÚRKІSTAN. QazAqparat - Túrkistan oblysynda kámeletke tolmaǵan qyzdy zorlap, artynsha bopsalaǵan kúdiktige sot úkimi shyqty, dep habarlaıdy QazAqparat tilshisi.

Túrkistan oblysy qylmystyq ister jónindegi mamandandyrylǵan aýdanaralyq sotynda zorlaý faktisi boıynsha qylmystyq is qaraldy.

Sottalýshy kámelet jasqa tolmaǵan jábirlenýshimen birneshe ret jynystyq qatynasqa túsip, ol áreketin vıdeoǵa túsirip alǵan.

Sodan keıin ony jarııalamaý úshin qyzdan aqsha talap etken.

Keıinnen pornografııalyq materıaldardy áleýmettik jelide zańsyz taratqan. Jábirlenýshi buny kótere almaı óz-ózine qol jumsaǵan.

Sot úkimimen sottalýshy QR QK 105-baby, 3-bóligi, 122-baby, 3-bóligi, 1-tarmaǵymen, 58-babynyń 3-bóligine saı 7 jyl 6 aı merzimge bas bostandyǵynan aıyryldy.

Sondaı-aq, 2 jyl túpkilikti pedagogıkalyq jáne kámeletke tolmaǵandarmen jumys isteýge qatysty qyzmetpen aınalysýǵa tyıym salyndy.

«Sottalýshy kinásin qylmystyq-atqarý júıesiniń qaýipsizdigi ortasha mekemesinde óteıdi. Úkim zańdy kúshine engen joq» delingen Túrkistan oblystyq sotynyń baspasóz qyzmeti taratqan aqparatta.