Túrkistan oblysynda nóser men qar saldarynan keı aýdandar jaryqsyz qaldy
TÚRKІSTAN. QazAqparat – Túrkistan oblysynda Túrkistan oblysynda jaýyn-shashyn men qardyń saldarynan aýdandarda jaryq sónip qaldy. Aýa raıynyń qolaısyzdyǵynan zardap shekken eldi mekenderdi kezeń-kezeńimen elektr júıesine qosý jumystary júrgizilýde, dep habarlaıdy QazAqparat tilshisi.
Saryaǵash aýdandyq ákimdiginiń málimetinshe, 8-9 sáýir aralyǵynda bolǵan qatty nóser saldarynan Saryaǵash qalasy men 7 aýyldyq okrýgterde aǵashtar qulaǵan. Elektr symdary úzilip, 27 213 abonent jaryqsyz qaldy. Jaryqty qalpyna keltirý maqsatynda aýdandyq elektr júıesi tarapynan 7 brıgada men 7 tehnıka jumyldyrylyp, elektr jelilerin qosý úshin tıisti jumystar atqarylýda. Sonymen qatar, tabıǵı gaz qubyrlary da zaqymdanyp, keıbir eldi mekenderde tabıǵı gaz berý ýaqytsha toqtatylǵan.
«Qazirgi tańda aýdandyq gaz júıesi mekemesi tarapynan 2 arnaıy tehnıka jáne 3 brıgada jumyldyrylyp, qalpyna keltirý jumystary júrgizilýde. Aýdannyń aýa raıynyń qolaısyzdyǵynan zardap shekken eldi mekenderdiń barlyǵy kezeń-kezeńimen elektr júıesine qosylatyn bolady. Oryn alǵan jaǵdaı aýdan ákimdigi tarapynan baqylaýǵa alyndy» delingen aýdan ákimdiginiń Facebook-tegi paraqshasynda.
Dál osyndaı keleńsiz jaǵdaı Keles aýdanynda da oryn alǵan. Aýdan ákimdiginiń málimetinshe, Abaı aýyly men 7 aýyldyq okrýgte elektr jelileri úzilgen. Oryn alǵan apatty joıýǵa 6 brıgada, 6 tehnıka jáne 38 adam jumyldyryldy.
«Jaǵdaı aýdan ákimdigi tarapynan baqylaýǵa alynyp, tıisti uıymdastyrý jumystary júrgizilýde. Aýdannyń aýa raıynyń qolaısyzdyǵynan zardap shekken eldi mekenderdiń barlyǵy kezeń-kezeńimen elektr júıesine qosylatyn bolady», - dep atap ótken aýdan ákimdigi Faceboo k-tegi habarlamasynda.
