Túrkistan oblysynda myńnan astam júrgizýshi mas kúıinde kólik aıdaǵan

TÚRKІSTAN. QazAqparat - Túrkistan oblysy Polıtsııa departamentiniń qyzmetkerleri ótken jyly 647 960 quqyq buzýshylyqty anyqtap, shara qoldanǵan. Onyń ishinde avtomatty túrde jyldamdyqty ólshegish quraldarynyń kómegimen jalpy 282 myńǵa tarta quqyq buzýshylyq tirkelgen, dep habarlaıdy QazAqparat.

«Túrkistan oblysynyń tártip saqshylarymen kólikti mas halde tizgindegen 1000-nan astam júrgizýshini quryqtady. Al jyldamdyqty asyrýmen 274 myńǵa jýyq júrgizýshi jaýapqa tartylǵan. Qarsy baǵytqa shyǵý boıynsha 700-den astam júrgizýshige shara kórilgen. Kólik basqarý kezinde uıaly telefon qoldanǵan 7431 turǵynǵa ákimshilik hattama toltyrylǵan. Al qaýipsizdik beldigin taqpaý boıynsha 41 myńnan astam ákimshilik quqyq buzýshylyq anyqtalǵan», - dep jazdy vedomstvodan.

Oblys boıynsha 870-ten astam júrgizýshi kólik basqarý quqyǵynan aıyrylǵan. Jol erejesin buzǵan 40 myńǵa jýyq jaıaý júrginshi jaýapqa tartylǵan.