Túrkistan oblysynda myńǵa jýyq talapker «Serpin» baǵdarlamasymen oqýǵa tústi

TÚRKІSTAN. QazAqparat – Elimizde «Máńgilik el jastary – ındýstrııaǵa». «Serpin-2050» áleýmettik jobasy aıasynda ótken oqý jylynda elimizdiń ońtústik óńirlerinen respýblıkanyń 5 oblysyna baryp oqýǵa nıetti mektep bitirýshi túlekter úshin 5629 grant bólingen, dep habarlaıdy QazAqparat Túrkistan oblysy ákimdiginiń baspasóz qyzmetine silteme jasap.

Onyń 5109-y joǵary oqý oryndaryna, qalǵany orta arnaýly oqý oryndaryna arnalǵan memlekettik granttar. Sonyń ishinde 956 grantqa Túrkistan oblysynyń talapkerleri ıe bolǵan.

Jalpy «Serpin-2050» baǵdarlamasynyń negizgi maqsaty - halqy tyǵyz ornalasqan Túrkistan, Jambyl, Qyzylorda, Mańǵystaý, Almaty oblystarynan kadr jetispeýshiligi baıqalǵan soltústik, batys jáne shyǵys óńirlerinde oqytyp, jumysqa ornalastyrý. ıAǵnı ońtústik mektep túlekteri Shyǵys Qazaqstan, Batys Qazaqstan, Aqtóbe, Qostanaı, Kókshetaý, Soltústik Qazaqstan, Pavlodar oblystaryndaǵy bedeldi memlekettik ýnıversıtetterde bilim alatyn bolady.
Sońǵy 5 jylda Túrkistan oblysy boıynsha atalǵan baǵdarlama aıasynda joǵary oqý oryndarynda bilim alyp jatqan jastar sany 9 myńnan asyp otyr. Al, kolledjderde 1 329 jas bilim alýda. Jalpy Túrkistan oblysy boıynsha baǵdarlama aıasynda 10 364 túlek oqýǵa qabyldanǵan.
Ótken jyly «Serpin» jobasynyń alǵashqy stýdentteri joǵary oqý oryndaryndaǵy oqýlaryn aıaqtady. Sonyń ishinde Túrkistan oblysynyń 320 túlegi bar.
Budan bólek, bıylǵy jyly Túrkistan oblysy boıynsha jetim jáne ata-ana qamqorlyǵynsyz qalǵan balalardyń bitirýshiler sany 140-ty qurap, onyń 55-i joǵary oqý ornynda oqýǵa nıet bildirip, grant ıegeri atanǵan. Atalǵan 55 oqýshynyń 35-i óz bilimderimen grant ıegeri bolsa, 20 bala talap etilgen shekti baldy jınap, ýnıversıtet rektorlarynyń jeke granttary ıegeri atanyp otyr. Qalǵan oqýshyǵa kásiptik-tehnıkalyq kolledjderge tańdaǵan mamandyǵy boıynsha joldama beriletin bolady. 9-shy synypty bitirip, kolledjde bilimin jalǵastyrýdy qalaǵan oqýshylar sany 33 balany qurap otyr.