Túrkistan oblysynda myń shaqyrymǵa jýyq jol jóndeledi
TÚRKІSTAN. QazAqparat - Túrkistan oblysynda aǵymdaǵy jyly avtomobıl joldary salasyn damytýǵa bıýdjetten qarjy qaralyp, nátıjesinde 974,2 shaqyrym jol men kósheler nemese 69 nysan qurylys-jóndeý jumystarymen qamtylatyn bolady. Onyń 653,2 shaqyrymy nemese 49 nysan aǵymdaǵy jyly paıdalanýǵa berilmek. Bul týraly oblystyq jolaýshylar kóligi jáne avtomobıl joldary basqarmasynyń basshysy Bekzat Tilegenov aıtty, dep habarlaıdy QazAqparat tilshisi.
Bekzat Tilegenovtyń aıtýynsha, óńirde avtomobıl joldary men eldimeken kósheleriniń jalpy uzyndyǵy 18 147 shaqyrymdy quraıdy. Oblystyq jáne aýdandyq mańyzy bar avtomobıl joldarynyń jaqsy jáne qanaǵatty jaǵdaıdaǵy úlesi 70,7 paıyz bolyp belgilengense, meje 71,2 paıyzǵa asyra oryndaldy. Atalǵan kórsetkishti bıylǵy jyly 74,1 paıyzǵa jetkizý josparlanýda.
«Ótken jyly 956,6 shaqyrym jol men kósheler nemese 73 nysanǵa (7 kópir) qurylys-jóndeý jumystary júrgizilgen. Onyń 52 nysany nemese 521,9 shaqyrymy paıdalanýǵa berildi. Qazirgi tańda, óńirde jol jamylǵysynyń negizine «Soil Grip» hımııalyq turaqtandyrǵyshyn paıdalanyp, negizgi qabatty arnaıy tehnıkamen óńdeý tehnologııasy boıynsha 2018 jyly jalpy - 217,9 shaqyrym jolǵa ortasha jóndeý júrgizilip, onyń 93,9 shaqyrymy paıdalanýǵa berilse, qalǵan 124 shaqyrym jol paıdalanýǵa aǵymdaǵy jyly beriledi»,- deıdi basqarma basshysy.
Onyń sózinshe, oblys aýmaǵyndaǵy oblystyq mańyzy bar avtomobıl joldarynyń boıynda 410 kópir ornalasqan. Ótken jyly 7 kópirge qurylys-jóndeý jumystarymen qamtylyp, jyl qorytyndysymen barlyq kópirler paıdalanýǵa tapsyrylǵan. Sondaı-aq, búgingi tańda, 28 kópir jóndeýdi qajet etedi. Ótkelderdiń 9-na jobalaý-smetalyq qujattamalar ázirlenip, aǵymdaǵy jyly 5 kópir paıdalanýǵa beriletin bolady.
