Túrkistan oblysynda MSQ bıyl 127 mlrd teńgeniń medıtsınalyq qyzmetin kórsetedi
TÚRKІSTAN. QazAqparat - Bıyl Túrkistan oblysynyń turǵyndaryna medıtsınalyq járdem kórsetýge 127,3 mlrd teńge bólinip otyr. Onyń ishinde, tegin medıtsınalyq qyzmet boıynsha – 74,9 mlrd teńge, medıtsınalyq saqtandyrýǵa – 52,4 mlrd teńge. Bul jaıynda «Áleýmettik medıtsınalyq saqtandyrý qory» KEAQ Túrkistan oblysy boıynsha fılıaly dırektorynyń orynbasary Nurshat Aıtymbetova málimdedi, dep habarlaıdy QazAqparat.
«Epıdemıologııalyq ahýaldy turaqtandyrýdy eskere otyryp, Qor bıylǵy jyly belgilengen josparlar men jańa bastamalardy júzege asyrýǵa nıetti. Aıta keterligi, neonataldyq skrınıngter júrgizýge, sábılerdiń psıhofızıkalyq damýyn baǵalaýǵa, mekteptegi medıtsınany damytýǵa qosymsha qarajat bólinedi. Sonymen qatar, aýyldarda medıtsınalyq qyzmetterge qoljetimdilikti arttyrýǵa baılanysty qarjylandyrý kólemi 20%-ǵa kóbeıedi», – dedi N.Aıtymbetova.
Ótken jyly MÁMS paketine Túrkistan oblysy kóleminde medıtsınalyq kómekke 36,3 mlrd teńge jumsalǵan bolatyn. Osy kezeńde Qor aktıvi esebinen oblystyń statsıonarlarynda josparly túrde 200 myńǵa jýyq patsıent emdelip, 21,5 mlrd teńge tólendi. Sondaı-aq, byltyr joǵary tehnologııaly medıtsınalyq qyzmettiń kómegimen 62 ota jasalyp, oǵan 121 mln 896 myń teńge baǵyttalǵan.
Budan ózge, 2020 jyly medıtsınalyq ońaltý sharasyna 3,1 mlrd teńge jumsalǵan. Bıylǵy jyly ońaltýdy qarjylandyrýǵa 4,6 mlrd teńge bólinip otyr. Ótken jyldarmen salystyrǵanda qarjylandyrý kólemi 6 esege artqan. ıAǵnı, ońaltý ortalyqtarynyń, medıtsınalyq uıymdarda ońaltý bólimderi men kabınetterdiń, jumys isteýine serpin berilmek.
