Túrkistan oblysynda mobıldi toptardyń qyzmetin «Áleýmettik medıtsınalyq saqtandyrý qory» tóleıdi

TÚRKІSTAN. QazAqparat – Túrkistan oblysynda mobıldi toptardyń qyzmeti úshin 5 400 teńgeni «Áleýmettik medıtsınalyq saqtandyrý qory» KEAQ tóleıdi. Bul jóninde qordyń Túrkistan oblysy boıynsha fılıalynyń dırektory Ashat Beısenbaev habarlady., dep habarlaıdy QazAqparat tilshisi.

Ashat Beısenbaevtyń aıtýynsha, «Mobıldi brıgadalar JRVI/KVI/tumaý/pnevmonııa belgileri paıda bolǵan kezde patsıentterdiń úıinde PTR-testke materıal jınaýdy júrgizedi.

«Sondaı-aq, atalǵan toptar naýqastarǵa dıagnoz qoıyp, medıtsınalyq tekserýden ótkizedi. Turǵyndar úshin qyzmettiń bul túri tegin bolady. Osy qyzmetterdi kórsetken emhanalarǵa aqyny «Áleýmettik medıtsınalyq saqtandyrý qory» KEAQ tóleıdi», – dedi, fılıal dırektory.

Qordyń fılıal dırektory mobıldi brıgadanyń qyzmetkerleri jeke qorǵanys quraldarymen, pýlsoksımetrlermen jáne basqa da qajetti kómek kórsetý jáne sol jerde keńes berý quraldarymen qamtamasyz etiletinin de atap ótti.