Túrkistan oblysynda mereke kúnderi qaýipsizdik sharalary kúsheıtiledi
31 jeltoqsan kúni oblystyq tótenshe jaǵdaılar departamenti tarapynan 200-den astam qyzmetker men 88 tehnıka qaýipsizdikti qamtamasyz etetin boldy. Sonymen birge, oblys aýmaǵynda «Jańa jyl» merekesine arnalǵan is-sharalardy ótkizý kezeńinde qoǵamdyq tártipti jáne qaýipsizdikti saqtaý kúsheıilmek. Bul baǵytta jalpy sany myńnan astam qyzmetker men 100-ge jýyq arnaıy avtokólik jumyldyrylmaq. Onyń ishinde Túrkistan qalasy boıynsha 150 qyzmetker 20 arnaıy avtokólikte qyzmet atqarady. Jańa jyl merekesin ótkizý barysynda quqyq qorǵaý organdarynyń kúsh pen quraldary daıyndyqqa keltirilip, qyzmetkerlerge tıisti nusqamalar berildi.
Ásirese órt qaýipsizdigi erejelerine erekshe nazar aýdarylyp, saqtyq sharalaryn saqtaý pysyqtaldy. Aımaq basshysy mereke kúnderi eskeriletin mańyzdy máselelerge baılanysty jaýapty tulǵalarǵa tapsyrma berdi. Jıynda quqyq qorǵaý organdary men tótenshe jaǵdaılarlar departament basshylarynyń baıandamasy tyńdaldy.
«Aldaǵy mereke kúnderi jáne odan keıingi demalystarda bári demalady, bilesizder. Osy kúnderi kezek qoıyp, jumys isteý kerek. Kóshe-kósheni aralap júrý kerek. Eshqandaı uıyqtaý bolmasyn»,-dedi oblys ákimi.
