Túrkistan oblysynda mereke qarsańynda medıtsına mamandary marapattaldy
TÚRKІSTAN. QazAqparat - Túrkistan oblysynda 200 - ge jýyq medıtsına qyzmetkeri Táýelsizdik merekesine oraı marapattalyp, bir aılyq jalaqy kóleminde syıaqy aldy. 8 dárigerge memlekettik ordender tabystaldy, dep habarlaıdy QazAqparat tilshisi.
Oblystyń medıtsına salasynyń damýyna zor úles qosyp júrgen dárigerlerdi Túrkistan oblystyq densaýlyq saqtaý basqarmasynyń basshysy Muqan Egizbaev quttyqtap, alǵys hattar tabystady.
Atap aıtqanda oblystyq klınıkalyq aýrýhananyń bólim meńgerýshisi Nazıra Jarqynbekova «Qurmet» ordenimen marapattaldy. Al, Shardara aýdandyq ortalyq aýrýhananyń bas dárigeri Janar Ospanova men Túrkistan qalalyq ortalyq aýrýhanasynyń bólim meńgerýshisi Kamagúl Musaqojaeva Túrkistan oblysynyń ákimi Janseıit Túımebaevtyń qolynan «Eren eńbegi úshin» medaline ıe boldy.
Sonymen qatar oblystyq klınıkalyq aýrýhananyń dáriger- transfýzıology Amalbek Belgibaev pen Qazyǵurt aýdandyq ortalyq aýrýhanasy bas dárigeriniń orynbasary Aıkúl Aqynǵazıeva, pedıatr dárigeri Naýsharman Boranbaeva men Túlkibas aýdandyq ortalyq aýrýhanasynyń dárigeri Bahytjan Kúzembaev, Ordabasy aýdandyq ortalyq aýrýhanasynyń bólim meńgerýshisi Saltanat Seıtova «Shapaǵat» medaldarymen marapattaldy.
Oblystyq densaýlyq saqtaý mekemeleriniń 50 - ge tarta qyzmetkeri Qazaqstan Respýblıkasy Densaýlyq saqtaý mınıstrligi tarapynan úlken marapattarǵa ıe boldy. Birqataryna oblys ákiminiń Qurmet gramotasy men Alǵys hattary, oblystyq máslıhattyń gramotalary men «Nur Otan» partııasynyń Qurmet gramotalary tabystaldy.
Sondaı- aq, 16 maman «Qazaqstan Respýblıkasynyń densaýlyq saqtaý úzdigi» tósbelgisimen marapattaldy. 17 dáriger «Qazaqstan Respýblıkasynyń densaýlyq saqtaý isine qosqan úlesi úshin» tósbelgilerin taqty. Budan ózge 7 dáriger «Eńbek ardageri» tósbelgisin taqty. Olarǵa QR Densaýlyq saqtaý mınıstriniń Qurmet gramotasy men Alǵys hattary tabys etildi.
