Túrkistan oblysynda memleketke 500 jer ýchaskesi qaıtaryldy
Atalǵan jer telimderiniń kadastrlyq quny 1,3 mlrd teńgeden asyp otyr. Bul másele Túrkistan oblystyq prokýratýranyń ótken jyldyń jumys qorytyndylaǵan keńeıtilgen alqa otyrysynda sóz boldy.
Oblystyq prokýratýranyń málimetinshe, qadaǵalaý organy ókilderiniń júıeli jumystarynyń nátıjesinde qylmystyq qýdalaý organdarymen shamamen 300-ge tarta laýazymdy tulǵa tártiptik jaýapkershilikke tartylǵan.
Sotqa deıingi tergeýdi jedeldetý tártibimen 2 myńnan astam is sotqa jiberilgen. Sottarǵa túsetin júkteme de aıtarlyqtaı tómendegen. Bir jyl ishinde prokýrorlar 1,1 myń asa mańyzdy qylmystyq ister boıynsha protseske qatysqan.
Sondaı-aq, halyqtyń áleýmettik osal toptaryn qorǵaý jaǵy qamtamasyz etilip, shaǵyn jáne orta bıznes úshin ákimshilik kedergiler qysqarǵan.
Al, áleýmettik-ekonomıkalyq salada prokýrorlarmen 2 myńǵa jýyq zańbuzýshylyq áreketter anyqtalyp, retke keltirilgen. Zańsyz toltyrylǵan 224 akti joıylyp, ózgertilgen. Kemshilikterge jol bergen 1,5 myń tulǵa túrli jaýapkershilikke tartylǵan.
Memleket múddesin qorǵaý barysynda bıýdjetke 879 mln teńge shyǵyn ótelip, jalpy somasy 1,1 mlrd teńgeniń múlki qaıtaryldy. Qadaǵalaýshy organ ókilderiniń aralasýynan keıin memleket kirisine 309 mln teńgege óndirilip, jalaqy qaryzy 38 mln teńgeden 8 mln teńgege deıin tómendedi. Halyqtyń prokýratýra organdaryna senimin arttyrý maqsatynda zańdylyqty qamtamasyz etý máseleleri boıynsha Qoǵamdyq keńes quryldy.
Alqa otyrysynyń qorytyndysy boıynsha oblys prokýratýrasynyń qyzmetkerlerine prokýrorlyq qadaǵalaý tıimdiligin odan ári arttyrý jáne Memleket basshysynyń, sondaı-aq Qazaqstan Respýblıkasy Bas Prokýrorynyń tapsyrmalaryn iske asyrý boıynsha birqatar mindetter qoıyldy. Aldaǵy kezeńge arnalǵan birinshi kezektegi mindetter aıqyndaldy.
