Túrkistan oblysynda memqyzmettiń sapasy týraly aıtyldy
Departament basshysy «Halyqty jumyspen qamtý ortalyǵyna» baryp, azamattarǵa usynylatyn qyzmetterdiń sapasyn arttyrý jaıyn sóz etti. «Memlekettik ataýly áleýmettik kómek» arqyly óz isin ashqan otbasylardyń nátıjeli jumystarymen tanysty. Shaıan aýyldyq okrýgi ákimi apparatynda kadr qyzmeti boıynsha «E-qyzmet» aqparattyq júıesi men «Ózine-ózi qyzmet kórsetý» aımaǵynyń jumystaryn aralap kórdi.
Sonymen qatar, «Azamattarǵa arnalǵan úkimet» memlekettik korporatsııasy aýdandyq bóliminiń jumysymen jáne memlekettik kórsetiletin qyzmetterdiń jármeńkesi is-sharasyna qatysty.
Aýdanda «Tsıfrlyq Qazaqstan» memlekettik baǵdarlamasynyń jáne memlekettik mekemelerde kórsetiletin qyzmetterdi elektrondy formatqa kóshirý boıynsha atqarylyp jatqan jumystaryn kórip shyqty.
Bolat Isaqov budan bólek, aýdan ákimi apparaty ǵımaratynyń májilis zalynda memlekettik qyzmetshilermen kezdesý jıynyn ótkizdi. Májiliste departament basshysy Qazaqstan Respýblıkasy Prezıdenti Q.Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty halyqqa arnaǵan alǵashqy Joldaýy aıasynda atqarylatyn jumystar men Elbasy N.Nazarbaevtyń Qazaqstandy damýdyń jańa satysyna qaraı baǵyttaǵan «100 naqty qadam» Ult josparyn júzege asyrýda memlekettik qyzmet sannan – sapaǵa qaraı kásibılendirilý kerek ekendigin atap ótti. Oblys kólemindegi departamenttiń 9 aıda atqarǵan jumystaryn baıandap, birqatar tapsyrmalar berdi.
Aýdan ákiminiń orynbasary, aýdan ákimi apparatynyń Ádep jóninde ýákili Baǵdat Janǵazıevtiń 2019 jyldyń 9 aıynda atqarǵan jumystarynyń esebin tyńdady.
Sondaı-aq, Ádep jónindegi keńes tóraǵasy aýdany ákimi apparaty ǵımaratynda birqatar memlekettik qyzmetshilerdi jeke máselelermen qabyldady.
Kezdesýde jergilikti turǵyndar birqatar usynys pikirlerimen jáne suraqtarymen kirgen memlekettik qyzmetshilerge zań aıasynda jaýaptar berildi.
