Túrkistan oblysynda mektepterde araqashyqtyq saqtaý mindetti emes
Qazirgi tańda ashyq alańdarda betperde rejımi turǵyndardan talap etilmeıdi.
Degenmen ǵımarat ishinde betperdeni taǵý mindeti áli óz kúshinde. Bul týraly oblystyń bas sanıtarııa dárigeri Nurbek Nyshanov habarlady.
Nurbek Sadyqbekulynyń aıtýynsha, koronavırýsqa qarsy vaktsına almaǵan qyzmetkerler úshin kúndizgi rejımde jumys isteýge ruqsat beretin shekteý talaby óz kúshin joıǵan.
Al vahtalyq rejımde jumys isteıtin azamattar úshin PTR testileý alynbaıdy.
Epıdemıologııalyq jaǵdaıy «jasyl» jáne «sary» aımaqtarda bilim berý uıymdarynda áleýmettik araqashyqtyq, termometrden ótý kerektigi týraly talaptar kúshin joıdy.
Túrkistan oblysynda epıdahýal turaqty. Koronavırýs ınfektsııasynyń tirkelýi aldyńǵy eki aptamen salystyrǵanda 69,6 % tómendegen.
Sondaı-aq, buǵan deıingi tájirıbe kórsetkendeı mereke kúnderinen soń epıdemıologııalyq jaǵdaı nasharlaıdy.
Sondyqtan oblystyń bas sanıtarııa dárigeri turǵyndardy karantın rejımi men sanıtarııalyq talaptardy saqtaýǵa shaqyrady.
