Túrkistan oblysynda mektep sany 1 myńǵa jetti

TÚRKІSTAN. QazAqparat- Saryaǵash aýdanynda óńirdegi bir myńynshy mektep ashyldy, dep habarlaıdy QazAqparat tilshisi.

Bilim uıasynyń ashylý saltanatyna arnaıy qatysqan Túrkistan oblysynyń ákimi Darhan Satybaldy oqýshylar men ustazdardy, jergilikti turǵyndardy quttyqtap, jańa mekteptiń ujymyna sáttilik tiledi.

«Elimizdegi sábılerdiń besten biri Túrkistan oblysynda dúnıege keledi. Oblysymyzda, qazirgi tańda 700 myńnan astam bala bar. 2400-ge jýyq bilim berý uıymy jumys isteıdi. Oblysta 2023-2025 jyldary kezeń-kezeńimen 96 mekteptiń qurylysyn salý josparlandy. Memleket tarapynan jasalyp jatqan bul qoldaý ustazdarǵa shabyt beredi jáne jas urpaqtyń sapaly bilim alýyna oń yqpal etedi dep sanaımyn, – dedi Darhan Satybaldy.

Saryaǵash qalasy, «Samal» shaǵynaýdanynda salynǵan mektep 900 oqýshyǵa arnalǵan.

Oqýshylardyń bilim alýyna da qolaıly jaǵdaı jasalǵan.

Esik aldyna asfalt tóselgen jáne kógaldandyrylǵan. Bilim uıasynda kitaphana boıynsha 1 oqý zaly men 1 medıa zal bar.

Sondaı-aq hımııa, fızıka, eńbek jáne ınformatıka kabınetteri tolyqtaı zamanaýı qural-jabdyqtarmen jabdyqtalǵan.

Úlken sport zal, 300 orynǵa arnalǵan ashana jumys isteıdi. Medıtsınalyq 2 bólme arnaıy medıtsınalyq qural-jabdyqtarmen, jıhazdarmen jabdyqtalǵan.

Órtke qarsy dabyl qaqqysh pen beınebaqylaý kameralary ornatylǵan.

Foto: Túrkistan oblysy ákimdigi