Túrkistan oblysynda mektep oqýshylaryna kortej uıymdastyrǵan júrgizýshiler jazalandy
TÚRKІSTAN. QazAqparat - Túrkistan oblysynda mektep oqýshylaryna kortej uıymdastyrǵan júrgizýshiler jaýapqa tartyldy, dep habarlaıdy QazAqparat tilshisi.
Oqıǵa Tóle bı aýdanynda bolǵan. «Toyota Alphard», «Toyota Land cruzer 200», «Toyota Camry», «Mersedes Benz», «Chevrolet Cruze», «Vaz-21099» avtokólikteri kortej jasap, mektep bitirýshi túlekterdi alyp júrgen.
Aýdandyq polıtsııa bóliminiń qyzmetkerleri avtokólik basqarý kezinde jolaýshylardyń qaýipsizdigin saqtamaı, tasymaldaý erejelerin buzǵan kólik ıelerin jaýapqa tartty.
«Júrgizýshilerge qatysty QR ÁQBtK-niń 590-baby 5-bóligi boıynsha 4, 593-baby 1-bóligimen 7, 595-baby 1-bóligimen 3 ákimshilik hattama toltyrylyp, avtokólikter aıypturaqqa qoıyldy. Bul baǵytta jumystar jalǵasyp jatyr», - delingen Túrkistan oblysy polıtsııa departamentiniń baspasóz qyzmeti taratqan aqparatta.
