Túrkistan oblysynda mektep kitaphanalary jańartylady

TÚRKІSTAN. QazAqparat – Túrkistan oblysyndaǵy 108 mektep kitaphanasy jańartylady. Bul, oblystyq Adamı áleýetti damytý basqarmasynyń bastamasymen júzege asyrylmaq, dep habarlaıdy QazAqparat tilshisi.

Máselen, Túlkibas aýdanyna qarasty 42 bilim berý mekemesiniń kitaphanalary modernızatsııalaýǵa enip otyr. Bul jobaǵa sáıkes, qyzmetterdiń sapaly jańa júıesi qurylmaq. Kitaphanalardy bilim alý, kommýnıkatsııa jáne bos ýaqytty ótkizý úshin kópfýnktsıonaldy ortalyqtarǵa aınaldyrý qolǵa alynbaq.

Jańǵyrtýdan keıin jańa kitaphanalar tek kitap oqıtyn oryn ǵana emes, oqýshylar sonymen qatar ózderiniń shyǵarmashylyq áleýetin iske asyratyn bolady. Oqýshylardyń demalyp, júzdesetin orynǵa aınalady.

Sonymen birge, qolǵa alynǵan jumystar kitaphana isin jańǵyrtýǵa, jańalyqtardy ıgerýge, kitaphanashylardyń biliktiligin arttyrýǵa baǵyttalǵan. Osy maqsatta Túlkibas aýdandyq bilim bólimi «100 kitap» jobasyna enip, qazaq tiline aýdarylǵan 26 ataýmen 2100 dana kórkem ádebıetter jáne balalar ádebıetterimen tolyqtyrylǵan.