Túrkistan oblysynda mektep qazandyǵy jarylyp, bir adam qaıtys boldy
TÚRKІSTAN. QazAqparat - Túrkistan oblysynda mektep qazandyǵy jarylyp, bir adam qaıtys boldy, dep habarlaıdy QazAqparat tilshisi.
Oqıǵa búgin tańǵy saǵat 08:24 shamasynda Saıram aýdany, Qaınar Bulaq aýyly, Oshaqty eldimekeninde bolǵan.
T.Rysqulov kóshesinde ornalasqan shaǵyn jınaqty orta mektep aýmaǵyndaǵy qatty otyn qoldanylatyn qazandyq jarylǵan. Oqıǵa ornynda 1963 jyly týǵan ot jaǵýshy kóz jumdy. Al, ǵımarattyń 20 sharshy metr shatyry men qabyrǵalaryna zaqym kelgen.
«Tótenshe jaǵdaı departamentiniń 7 qyzmetkeri men 2 tehnıkasy jáne polıtsııa departamentiniń 8 qyzmetkeri men 2 tehnıkasy oqıǵa ornyna jumyldyryly. Jarylystyń saldary men materıaldyq shyǵyn anyqtalýda» - deıdi Saıram aýdanynyń Tótenshe jaǵdaılar basqarmasynyń bastyǵy azamattyq qorǵaý polkovnıgi Muhan Baımbetov.
