Túrkistan oblysynda mektep dırektory jumysqa turǵyzý úshin para alǵan

NUR-SULTAN. QazAqparat – Túrkistan oblysy Maqtaaral aýdanynyń Birlik atyndaǵy orta mektep dırektory para alǵany úshin sottaldy. Bul týraly QazAqparat Agenttiktiń paspasóz qyzmetine silteme jasap habarlaıdy.

«Osyǵan deıin atalǵan mektebiniń dırektory B. Shyrymbekovaǵa qatysty sotqa deıingi tergeý júrgizilgen bolatyn. Ol azamatty tehnıkalyq personal retinde (turmystyq sybaılas jemqorlyq) jumysqa turǵyzý úshin 150 myń teńge kóleminde para alǵany úshin kúdikti bolǵan»,- delingen habarlamada.

Aǵymdaǵy jyldyń 20 qarashasynda Maqtaaral aýdanynyń №2 sotynyń úkimimen atalǵan sheneýnik para alǵany úshin aıypty bolyp tanyldy jáne oǵan ómir boıy memlekettik qyzmette laýazym atqarý quqyǵynan aıyra otyryp, 4,5 mln teńge aıyppul tóleý jazasy taǵaıyndaldy.