Túrkistan oblysynda mektep dırektorlaryn taǵaıyndaý konkýrsy tikeleı efırde ótti
Búgin Túrkistan oblysynda bilim berý uıymdarynyń birinshi basshylaryn taǵaıyndaý konkýrsynyń «Áńgimelesý» kezeńi ótti. Basty erekshelik – konkýrstyń sheshýshi kezeńi feısbýk áleýmettik jelisinde tikeleı efırde júrgizildi. Túrkistan oblysy ákiminiń orynbasary Beısenbaı Tájibaev bilim uıalarynyń basshylaryna, jalpy ustazdarǵa mańyzdy jaýapkershilik júktelgenin, basshylardy taǵaıyndaý ádil júrgizilýi tıis ekenin aıtty.
«Bilim uıymdarynyń basshylaryn irikteý ádil ári ashyq júrgizilýi tıis. Búgingi konkýrs barysy áleýmettik jelide tikeleı kórsetilip jatyr. Komıssııa quramyna da bilikti azamattar tartyldy. Komıssııa árbir úmitkerge tereń taldaý júrgizip, biliktiligine, parasattylyǵyna, adamı bolmysyna ádil baǵasyn berýi tıis», – dedi Beısenbaı Tájibaev.
«Áńgimelesý» kezeńine 53 úmitker qatysýda. Olar 35 mekemege basshy bolýdan úmitti. Úmitkerdi baǵalaý ashyq daýys berý arqyly ótýde. Sonymen qatar baǵalaý paraǵy qosa tirkeledi.
Aıta keterligi, talapqa sáıkes úmitkerler «Áńgimelesý» kezeńine deıin konkýrstyń qujat tirkeý, test, qamqorshylyq keńesten kelisim alý kezeńderinen ótken. Olardyń arasynda eńbek ótili 30 jyldan asqan asa tájirıbeli ustazdar da bar.
