Túrkistan oblysynda medıtsınalyq mekemeler sanıtarııalyq talapty buzǵan
Sanıtarııalyq-epıdemıologııalyq baqylaý qyzmeti jyl basynan beri óńirdegi 660 medıtsınalyq nysandy tekserdi. Nátıjesinde, keıbir aýrýhanalardyń jumysty úılertirý is-sharalaryna baılanysty kemshilikter anyqtalǵan. Atap aıtar bolsaq, ystyq sýdyń bolmaýy, jeldetkishtiń ornatylmaǵandyǵy, medıtsınalyq qaldyqtardy jınaýǵa jáne saqtaýǵa qoıylatyn talaptardyń saqtalmaýy syndy birqatar kemshilikterge jol berilgen. Tekserý qorytyndysymen 623 jeke jáne zańdy tulǵa 32 487 313 teńge somasynda aıyppul tóleıtin boldy.
Sondaı-aq, kemshilikterdiń joıý boıynsha 20 sanıtarlyq uıǵarym berilip, 7 materıal sotqa ótti.
«Túrkistan oblysynyń sanıtarııalyq-epıdemıologııalyq baqylaý departamenti halyqtyń sanıtarııalyq salamattylyǵyn saqtaý maqsatynda medıtsınalyq mekemelerdiń basshylaryna, jaýapty ókilderine QR DSM Densaýlyq saqtaý obektilerine qoıylatyn sanıtarııalyq-epıdemıologııalyq talaptar men qaǵıdalardy saqtaýǵa jáne normatıvtik quqyqtyq aktiler boıynsha jumys jasaýǵa shaqyrady», - deıdi Túrkistan oblysynyń sanıtarııalyq-epıdemıologııalyq baqylaý departamentiniń baspasóz hatshysy Ardaq Berden.
Aıta keteıik, Túrkistan oblysynyń sanıtarııalyq-epıdemıologııalyq baqylaý departamentiniń baqylaýynda menshik nysanyna qaramastan 1 752 medıtsınalyq uıym bar. Onyń 123 stomatologııalyq klınıkalar men kabınetter.