Túrkistan oblysynda medıtsınalyq qyzmetterdiń aqparattyq júıesi iske qosyldy
TÚRKІSTAN. QazAqparat - Túrkistan oblysynda 60 myńǵa tarta turǵyn «DAMUMED» mobıldi qosymshasyn paıdalanady. Bul týraly oblystyq óńirlik kommýnıkatsııalar qyzmetinde ótken brıfıngte Aqparattandyrý, memlekettik qyzmetter kórsetý jáne arhıvter basqarmasynyń basshysy Bastar Esqaraev málim etti, dep habarlaıdy QazAqparat.
Basqarmasynyń basshysynyń sózinshe, atalǵan mobıldi qosymshanyń kómegimen dárigerge 28 645 qabyldaýǵa jazylý, 1 249 úıge shaqyrtý, 5 032 júktiligine baılanysty esepke turý jáne 23138 ret 5 jasqa deıingi balalardyń ata-analaryn tirkeý syndy qyzmetter kórsetilgen.
«Oblysymyzdaǵy 49 emhanada densaýlyq saqtaý salasynda turǵyndar kómegin eń jıi paıdalanatyn dárigerdi úıge shaqyrtý, dárigerdiń qabyldaýyna jazylý, medıtsınalyq uıymdarǵa tirkelý syndy qyzmetterdi júzege asyratyn medıtsınalyq aqparat júıesi iske qosyldy. Túrkistan oblysy boıynsha qaǵazsyz tehnologııa 2018 jyldyń 2 sáýirinen bastap iske qosyldy. Oblys boıynsha medıtsınalyq qujattamany qaǵazsyz negizde júrgizý 32 paıyzdy qurap otyr», - dedi Bastar Esqaraev.
Jyldyń sońyna deıin densaýlyq saqtaý salasyn 100 paıyz tehnıkamen qamtamasyz etip, tolyǵymen qaǵazsyz qujat aınalymyna ótý josparlanǵan. Sondaı-aq, mobıldi qosymshasymen turǵyndardyń 30 paıyzyn qamtý kózdelip otyr.
