Túrkistan oblysynda medıtsına qyzmetkerine qoqan-loqy kórsetken adam ustaldy
NUR-SULTAN. QazAqparat - Túrkistan oblysy Maqtaaral aýdanynda medıtsına qyzmetkerin qorqytqan er adam ákimshilik qamaýǵa alyndy, dep habarlaıdy Polisia.kz.
Áleýmettik jelide Maqtaaral aýdanynda belgisiz er adam medıtsına qyzmetkerin qorqytyp jatqan beınejazba taralǵan bolatyn. Atalǵan jaıt Maqtaaral APB-ne «Qorqytý» boıynsha tirkelip, sotqa deıingi tergep-tekserýdiń biryńǵaı tizilimine engizildi. Sotqa deıingi tergeý amaldary júrgizilip jatyr.
Oǵan qosa quqyqbuzýshyǵa qatysty QR ÁQBtK-niń 434-babynyń 1-bóliginde kózdelgen tótenshe jaǵdaı kezinde qasaqana medıtsına qyzmetine baǵyttalǵan «usaq buzaqylyq» jasaǵany úshin hattama toltyryldy. Aýdandyq sottyń qaýlysymen bes táýlikke ákimshilik qamaýǵa alyndy.
