Túrkistan oblysynda máslıhat depýtattyǵyna 320 mandat berildi
«Ol 320 mandattyń 45-i oblystyq máslıhatqa bólingen. Al, qalalyq máslıhatqa - 47, aýdandyq máslıhatqa - 228 kandıdat barady. Saıası partııalar arasynda «Qazaqstan Halyq» partııasyna – 1, «Nur Otan» partııasyna – 263, «Aýyl» partııasyna - 32, «Aq jol» partııasyna - 24 mandat bólindi», dep máálim etti Túrkistan oblystyq aýmaqtyq saılaý komıssııasynyń tóraǵasy Álibek Ómirálıev arnaıy brıfıngte.
«13 qańtar kúni - daýys berý qorytyndysymen mandatqa ıe bolǵan saıası partııalar - depýtattyqqa kandıdattardyń tizimderin oblystyq saılaý komıssııasyna usynady. Al 14 qańtarda - saıası partııalardyń usynǵan tizimderin komıssııanyń otyrysynda tirkeý jóninde hattamalyq sheshim qabyldanady. 15 qańtar kúni saǵat 10:00-de oblystyq máslıhattyń 7-shaqyrylymyndaǵy alǵashqy birinshi sessııasy oblystyq aýmaqtyq saılaý komıssııasy tóraǵasynyń basqarýymen ashylatyn bolady. Sondaı-aq, jańadan saılanǵan máslıhat depýtattary tanystyrylyp, olarǵa depýtattyq kýálikter men tósbelgiler tabys etiledi», - dedi Álibek Qadenuly.
Aıta keterligi, Túrkistan oblysynda 911 saılaý ýchaskesi ashylyp, onda 1 mln 160 myńnan astam saılaýshy tirkelgen. Jalpy 763 454 azamat óz tańdaýlaryn jasaǵan.
