Túrkistan oblysynda mas kúıinde kólik apatyn jasaǵan júrgizýshi qamaýǵa alyndy
TÚRKІSTAN. QazAqparat – Túrkistan oblysynda mas kúıinde kólik basqarǵan júrgizýshi qamaýǵa alyndy. Óńirdiń tártip saqshylary ustalǵan azamattyń buǵan deıin kólik basqarý quqyǵynan aıyrylǵanyn anyqtaǵan, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, Jetisaı aýdanyndaǵy aýyldardyń birinde tasjoldyń boıynda jol apaty boldy degen habarlama kelip túsken. Oqıǵa ornyna shuǵyl jetken polıtseıler Opel jáne Volga avtokólikteriniń soqtyǵysqanyn, oǵan bir kóliktiń ekinshi baǵytqa shyǵyp ketýi sebep bolǵanyn anyqtaǵan. Atalǵan jaıt boıynsha tekserý barysynda jol apatyn jasaýshynyń kólik basqarý quqyǵynan aıyrylsa da mas kúıde kólik aıdaǵany belgili boldy. Mastyq kúıin anyqtaý saraptamasynyń qorytyndysyna sáıkes onyń «orta dárejeli» alkogol ishimdigin ishkeni rastaldy. Jaýap alý barysynda kólik júrgizýshisi óz kinásin tolyq moıyndaǵan.
«Bul derek QR QK-niń 346-baby »Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy« boıynsha tirkelip, tergeý isi bastaldy. Jol qaýipsizdigi erejesin buzǵan azamat Jetisaı APB-niń ýaqytsha ustaý ızolıatoryna qamaýǵa alyndy», delingen habarlamada.
