Túrkistan oblysynda mas bolyp kólik aıdaǵan er adam ustaldy
TÚRKІSTAN. QazAqparat - Qazyǵurt APB-nyń patrýldik polıtsııa tobynyń qyzmetkerleri túngi ýaqytta kóshelerdiń birinen kúdik týdyrǵan «Vaz 2121» Nıva markaly avtokóligin baıqady. Sodan tártip saqshylary kóliktiń aldyna shyǵa otyryp, ony toqtatty, dep habarlaıdy QazAqparat.
Qujattaryn tekserý kezinde tártip saqshylary júrgizýshiniń mas halde bolǵanyn anyqtady. Sonymen qatar ony medıtsınalyq kýálandyrýǵa jetkizdi. Qorytyndyǵa sáıkes er adam kólikti mas halde basqarǵany belgili boldy.
«Quqyq buzýshyǵa qatysty ÁQBtK-tiń 608-baby (Júrgizýshiniń kólik quralyn alkogoldik, esirtkilik jáne ýytqumarlyq masań kúıde basqarýy, sol sııaqty kólik quralyn alkogoldik, esirtkilik jáne ýytqumarlyq masań kúıdegi adamnyń basqarýyna berý) boıynsha ákimshilik hattama toltyryldy. Jınalǵan materıaldardy polıtseıler zańdy sheshim qabyldaý úshin sotqa jiberdi», - dep jazdy oblystyq polıtsııa departamentinen.
Túrkistan oblysynyń polıtseıleri júrgizýshiler men jaıaý júrginshilerdi jol qozǵalysy erejelerin qatań saqtaýǵa shaqyrady.
