Túrkistan oblysynda malshy 1 úıir jylqyny satyp jibergen

TÚRKІSTAN. QazAqparat - Túrkistan oblysynda jylqyshy 1 úıir jylqyny satyp jibergen, dep habarlaıdy QazAqparat tilshisi.

Oqıǵa Qazyǵurt aýdanynda bolǵan. Tanysyna 12 bas jylqysyn senip tapsyrǵan jergilikti turǵyn 4 mln teńge kóleminde shyǵynǵa batty.

Jylqyshy senip tapsyrylǵan bótenniń malyn satyp, aqshasyn bas paıdasynyń qajetine jaratyp jibergen.

«Atalǵan jaıtty polıtsııa qyzmetkerleri QR QK-niń 189-baby «Senip tapsyrylǵan bóten múlikti ıemdenip alý nemese talan-tarajǵa salý» boıynsha tirkeýge aldy. Qazirgi tańda kúdiktige qatysty sotqa deıingi tergeý amaldary júrgizilýde», - delingen Túrkistan oblysy polıtsııa departamentiniń baspasóz qyzmeti taratqan habarlamada.