Túrkistan oblysynda mal urlyǵynyń aldyn alý sharalary júrip jatyr

TÚRKІSTAN. QazAqparat - Túrkistan oblysynda mal urlyǵynyń aldyn alý maqsatynda reıd júrip jatyr. Osy maqsatta polıtsııa, ákimshilik pen mal ıeleri tarapynan úshjaqty kelisimshart jasalady, dep habarlaıdy QazAqparat tilshisi.

Qazirgi tańda óńirde oblystyq polıtsııa departamenti qyzmetkerleri mal ıeleriniń jaýapkershiligine qatysty túsindirý jumysyn júrgizip jatyr.

Aýyl turǵyndarynyń maldaryn syrǵalaý jáne tańbalaý jumystary atqarylýda.

Mal urlyǵyn aldyn alý baǵytynda túngi reıd uıymdastyrylyp, qujatsyz mal tasymaldaǵan 200-den astam avtokólik tekserilgen.

Mal qujatyn kórsete almaǵandarǵa 32 hattama toltyrylyp, aýdandyq veterınarııa bólimine joldandy.

Óz kezeginde polıtseıler turǵyndarǵa zańsyz tasymaldaýlar, belgilenbegen oryndarda maldy soıý, en-tańbasy joq maldy saýdaǵa salý derekterin boldyrmaý maqsatynda jumystar jalǵasa beretinin eskertedi.

Sondyqtan maldy qaraýsyz jibermeı, baqtashy jaldaýǵa, ýaqytyly en-tańba saldyrtyp, qujattandyrýǵa keńes beredi.