Túrkistan oblysynda mal urlyǵymen aınalysqan qylmystyq top ustaldy
TÚRKІSTAN. QazAqparat – Túrkistan oblysynyń polıtseıleri birneshe mal urlyǵyn ashty, dep habarlaıdy «QazAqparat» HAA aımaqtyq PD baspasóz qyzmetine silteme jasap.
Ordabasy aýdandyq polıtsııa bólimine jergilikti turǵyn aryzdanyp, aýlasynan ógizi urlanǵanyn aıtqan. Jábirlenýshige keltirilgen shyǵyn kólemi – 150 myń teńge. Atalǵan fakti QR QK 188-baby «Urlyq» boıynsha SDTBT-ǵa tirkelip, sotqa deıingi is júrgizýdi bastaldy.
Sondaı-aq, APB-nyń kezekshi bólimine Ordabasy aýdanynyń taǵy bir turǵyny shaǵymdanyp, jaıylymnan sıyry joǵalǵanyn habarlady. Al úshinshi aryzdanýshy polıtsııa qyzmetkerlerine úıiniń aýlasynan bir buqasy urlanǵanyn málimdedi.
Ordabasy APB-de tájirıbeli polıtseılerden turatyn jedel-tergeý toby quryldy. Tártip saqshylary jaqyn tóńirekti túgel aralap, kýágerlerden jaýap aldy. Nátıjesinde jedel ýákilder aýdan aýmaǵynda mal urlyǵynyń úsh faktisine qatysy bar qylmystyq topty ustady.
Kúdiktilerdiń biri Shymkent qalasynyń turǵyny, al ekinshisi jergilikti turǵyn ekeni anyqtaldy. Olar qaraýsyz qalǵan janýarlardy aýladan jáne jaıylymnan urlap, avtokólikterine tıep alatyn bolǵan. Urlanǵan maldy satqan, al aqshany óz qajettilikterine jumsaǵan. Kúdiktilerden eshqaıda ketpeý týraly qolhat alyndy. Olar urlyq jasaǵanyn tolyq moıyndady. Qazir aýdandyq polıtsııa qyzmetkerleri ustalǵandardyń basqa da qylmystarǵa qatysy bar-joǵyn anyqtap jatyr. Sotqa deıingi tergeý júrgizilýde.
Túrkistan oblysynyń polıtseıleri azamattarǵa qyraǵy bolýdy jáne maldy qaraýsyz qaldyrmaý qajet ekenin eskertedi.
