Túrkistan oblysynda mal bazarlarynyń jumys isteýine ruqsat berildi

TÚRKІSTAN. QazAqparat - Túrkistan oblysy bas memlekettik sanıtar dárigeriniń qaýlysyna sáıkes, 3 qarashadan bastap oblys aýmaǵyndaǵy mal bazarlary sanıtarlyq-dezınfektsııalyq rejımdi kúsheıte otyryp, bazar aýmaǵyn 30%-dan asyrmaı toltyryp, aptanyń jumys kúnderi ashyq turady, dep habarlaıdy QazAqparat.

Oblystyń bas memlekettik sanıtar dárigeri óńirdegi epıdemıologııalyq jaǵdaıǵa baılanysty karantındik jáne sanıtarııalyq-dezınfektsııalyq talaptardy muqııat saqtaýǵa shaqyrady.

Sonymen qatar, kez-kelgen mereıtoılar, eske alý, shyǵaryp salý, qudalyq, toı, betashar jáne taǵy basqa jıyndarǵa tyıym salynady.

Ár adam jeke bas gıgıenasyn saqtaı otyryp, kóshede, qoǵamdyq oryndarda, adamdar kóp jınalatyn nysandarda mindetti túrde betperde rejımin jáne áleýmettik araqashyqtyqty saqtaýy qajet.