Túrkistan oblysynda maqta tıelgen KamAZ túgi qalmaı janyp ketti
BÁIDІBEK. QazAqparat - Túrkistan oblysynda jol boıynda KamAZ júk kóligi tıelgen maqtasymen birge órtenip ketti, dep habarlaıdy Polisia.kz.
29 qyrkúıek saǵat 08:40 shamasynda Báıdibek polıtsııasynyń kezekshi bólimine Ekpindi aýylynan ótetin Samara-Shymkent tasjolynda KamAZ avtokóliginiń órtenip jatqany jóninde habarlama kelip tústi.
Atalǵan habarlama boıynsha tez arada oqıǵa ornyna jedel-tergeý toby jetti.
Tártip saqshylarynyń tekserý barysynda anyqtaǵany: Qazyǵurt aýdanynyń turǵyny óziniń basqarýyndaǵy KamAZ júk kóligine qosymsha jalǵanǵan júk tıegishimen 12 tonna maqta artyp kele jatqan. Bir kezde syrttan adamdar toqtatyp, kólikten tútin shyǵyp jatqanyn aıtady.
Sodan birden kólikti toqtatqan júrgizýshi túsip qarasa, júk tıegishtegi maqta otqa oranyp jatyr eken. Osylaısha birden órt sóndirýshilerge habar beredi.
Sol jerdegi jolaýshylardyń kómegimen júk kóliginiń artyna jalǵanǵan júk tıegishi ajyratyp alynady. Órt saldarynan júk kóligi alty tonna maqtamen tolyq órtenip ketken.
Al, qalǵan alty tonna maqtadaǵy endi bastalǵan jalyndy órt sóndirýshiler aýyzdyqtady. Atalǵan jaıt kezinde eshkim zardap shekken joq.
