Túrkistan oblysynda maqta terimi bastaldy
TÚRKІSTAN. QazAqparat - Túrkistan oblysyndaǵy Jetisaı aýdanynda maqta terimi bastaldy. Qazirgi tańda aýdanda aq altyndy qolmen terý jumystary úsh aýyldyq okrýgterinde júrgizilýde, dep habarlaıdy Qazaqparat tilshisi.
Bıylǵy jyly aýdanda 48220 gektarǵa maqta dáni sebilgen. Aýdan sharýalary ótken jyly ortasha eseppen maqtanyń ár gektarynan 25 tsentnerden ónim jınasa, bıyl da osy kórsetkishten tómen bolmaıdy dep boljam jasap otyr. Terim naýqanyn bastaǵan J.Eralıev, Sh.Dildabekov, Maqtaly, Qaraqaı aýyl okrýgterindegi sharýalar birer kúnde maqta alqaptaryna kombaındar jumyldyrylatynyn aıtady.
Qazirdiń ózinde aýdanda 70-ke jýyq «DjonDır» maqta teretin kombaındardyń tehnıkalyq daıyndyqtary pysyqtalýda. Onyń 65-i tórt júıekti. ıAǵnı, árbir kombaın bir mezette 4 júıektegi aq altyndy jınaýǵa qaýqarly.
Aıta keterligi, sharýalarǵa memleket tarapynan beriletin janar-jaǵarmaı talondary taratylyp berilýde. Sondaı-aq, alqaptarda maqtany hımııalyq ádispen qýratý jumystary júrgizilip jatyr. Sonymen qatar, aýdan kóleminde aq altyn jınaýǵa arnalǵan qabyldaý beketteri iske qosylýda.
