Túrkistan oblysynda maqta baǵasy 180 teńge bolyp bekitildi
TÚRKІSTAN. QazAqparat - Aýyl sharýashylyǵy mınıstri Ómirzaq Shókeev pen oblys ákimi Janseıit Túımebaevtyń Maqtaaral aýdanyna jasaǵan jumys saparynan keıin maqtanyń baǵasy 180 teńge bolyp bekitildi. Bul týraly Maqtaral aýdany ákimdiginiń baspasóz qyzmeti málim etti, dep habarlaıdy QazAqparat tilshisi.
Ákimdiktiń habarlaýynsha, maqtany eksporttaýmen aınalysatyn treıderlermen arnaıy jıyn ótkizilgen. Sonyń arqasynda aq altynnyń baǵasy 10 teńgege qymbattaǵan. Al, buǵan deıin Maqtaaral aýdanynyń ákimi Baqyt Asanov pen Jetisaı aýdanynyń ákimi Jamantaı Beısenbaevtar maqtanyń baǵasyn kóterýge yqpal jasaý boıynsha is-sharalar jasap, zaýyt basshylarymen birneshe ret kezdesken edi. Nátıjesinde, maqtanyń árbir tonnasyna 12 myń teńgeden memlekettik sýbsıdııa qosa beriletin boldy.
