Túrkistan oblysynda lombardqa qarýly shabýyl jasaldy
Jetisaı aýdandyq polıtsııa bólimine qalada ornalasqan lombardtardyń biriniń qyzmetkeri aryzdanǵan. Aıtýynsha, keshki ýaqytta betine medıtsınalyq maska, basyna beısbolka kıgen er adam qarý ustap kirip kelip, aqsha talap etken. Úreıi ushqan lombard qyzmetkeri kassadaǵy 1,2 mln teńgeni ustatqan. Kúdikti ony kassa kabınasynda qaldyryp, syrtynan qulyptaǵan. Solaı izin sýytqan.
Atalǵan jaıt QR Qylmystyq kodeksiniń 191-baby (Tonaý) boıynsha tirkedi.
«Atalǵan aýyr qylmysty ashý úshin polıtsııa bóliminiń tájirıbeli qyzmetkerlerinen jedel-tergeý toby qurylyp, oqıǵa ornyna shuǵyl jetti.
Polıtseıler kúdiktini «izin sýytpaı» quryqtaý maqsatynda qajetti sharalardy júzege asyrdy. Nátıjesinde birneshe kún ishinde beınebaqylaý kamerasyndaǵy jazba arqyly kúdiktiniń jeke basy anyqtaldy. Tártip saqshylary seziktini turǵylyqty mekenjaıynan ustap, polıtsııaǵa jetkizdi. Ol jumyssyz, jergilikti turǵyn bolyp shyqty.
Anyqtalǵandaı, kúdikti tonaý áreketine barmas aldyn qaladaǵy birqatar lombardty baqylap shyqqan. Sodan jábirlenýshi taraptyń lombardy keshke deıin isteıtinin bilip, ony tonaýdy oılastyrǵan. Barynsha qarańǵy túskenin paıdalanyp, oıyn júzege asyrǵan», - delingen polıtsııa málimetinde.
Kúdiktiń sózinshe, ol qylmysqa aqsha qajet bolǵandyqtan barǵan. Aıǵaqty zat retinde pnevmatıkalyq tapansha alyndy. Qazirgi tańda ol qamaýǵa alynyp, tergeý amaldary júrgizilip jatyr.
Foto: polisia.kz