Túrkistan oblysynda lagerde demalyp jatqan 400-ge jýyq bala merziminen buryn úıine qaıtaryldy

TÚRKІSTAN. QazAqparat- Túrkistan oblysyndaǵy lagerlerden 400-ge jýyq bala merziminen buryn úılerine qaıtaryldy, dep habarlaıdy QazAqparat tilshisi.

Bas prokýratýra tapsyrmasyna sáıkes balalardy saýyqtyrý lagerleriniń jumysyna tekserý júrgizilip jatyr.

Túrkistan oblystyq prokýratýrasy da atalǵan baǵyt boıynsha birshama demalys aımaqtarynan kemshilikter tapty.

ıAǵnı, balalar lagerleriniń ıeleri zań buzylýyna jol bergeni belgili boldy.

Ázirge Maqtaaral, Qazyǵurt, Ordabasy aýdandary men Shymkent qalasynan Túlkibas aýdanyna demalýǵa kelgen 400-ge jýyq bala úılerine qaıtaryldy.

«Túlkibas aýdanyndaǵy Keltemashat aýylynda ornalasqan «Jansaıa» balalardy saýyqtyrý lagerinde prokýrorlyq tekserý barysynda birshama zańbuzýshylyqtar anyqtaldy. Atalǵan lagerdiń jumysy zańnama talaptaryna tolyq sáıkes kelmeıtindigi belgili boldy. Sol sekildi zańdy saqtamaǵan taǵy 3 balalardy saýyqtyrý lageri anyqtalyp, olardyń jumysyn toqtatýǵa baǵyttalǵan sharalar qolǵa alynyp jatyr. Atalǵan baǵytta tekserý jumystary aldaǵy ýaqytta da jalǵasady» delingen Túrkistan oblysy prokýratýrasynyń baspasóz qyzmeti taratqan aqparatta.