Túrkistan oblysynda qyzmetin adal atqaryp júrgen 80-ge jýyq polıtseı marapattaldy
TÚRKІSTAN. QazAqparat - Túrkistan oblystyq Polıtsııa departamentinde 7-mamyr Otan qorǵaýshylar jáne 9-mamyr Jeńis kúnine oraı saltanatty shara ótti.
Merekelik jıynda óz qyzmetterin adal atqaryp júrgen 80-ge jýyq polıtseı marapattaldy, dep habarlaıdy QazAqparat tilshisi.
Saltanatty sharada PD basshysynyń orynbasary, polıtsııa polkovnıgi B.Halyqov arnaıy quttyqtaý sóz sóılep, surapyl soǵysta jeńiske jetýge atsalysqan ardagerlerge óz lebizin bildirdi. Sondaı-aq, halyqtyń myzǵymas tynyshtyǵy úshin eńbek etip jáne kúndiz-túni qyzmette júrgen PD-niń polıtseılerin quttyqtady. Osy salada uzaq jyldar boıy qyzmet etip, ómirden ozǵan soǵysy ardagerleriniń rýhyna bas ıip, taǵzym etýge shaqyrdy.
Jıynda qos merekege oraı joǵary kórsetkishterge qol jetkizgenderi úshin birqatar polıtseıdiń qyzmettik shenderin joǵarylatyp, tósbelgiler men alǵys hattar tabystaldy. Shara sońy polıtseıler patrıottyq ánderdi shyrqap, mereke sońy kontsertke ulasty.
