Túrkistan oblysynda qujatsyz temeki tasymalyna tosqaýyl qoıyldy
ASTANA. QazAqparat – Túrkistan oblysynda qujatsyz tasymaldanǵan 176 500 qorap temeki anyqtaldy, dep habarlaıdy QazAqparat Memlekettik kirister komıtetine silteme jasap.
Túrkistan oblysy boıynsha memlekettik kirister departamenti jáne Túrkistan oblysy boıynsha Ekonomıkalyq tergep-tekserý departamenti qyzmetkerleri birlese otyryp, 20 aqpan kúni jedel aqparat boıynsha Almaty - Samara tasjolynda DAF markaly avtokólikti toqtatady. Taýardyń ilespe qujattaryna sáıkes, avtokólik Almaty - Moskva baǵynda bara jatqan.
Kólikten aktsızdik marka nemese QR-kodsyz jáne tıisti qujattarsyz tasymaldanǵan temeki ónimderi (ártúrli assortımentte) anyqtaldy. Jalpy sany – 353 keıs, ár keıstiń ishinde 500, al barlyǵy 176 500 qorap. Qazirgi tańda QR zańdary boıynsha qylmystyq is qozǵaý sharalary júrgizilip jatyr.
Vıdeodan alynǵan kadr
