Túrkistan oblysynda Qurban aıt kezinde qandaı ic-sharalarǵa tyıym salynatyny eskertildi
TÚRKІSTAN. QazAqparat – Túrkistan oblysynyń Bas memlekettik sanıtarııalyq dárigeri Nurbek Nyshanov «Qurban aıt» merekesi kezinde shekteý sharalary boıynsha jańa qaýly shyǵardy. Oǵan sáıkes, menshik nysanyna qaramastan barlyq uıymdar men jeke menshik úı ıelikterinde jáne medreselerde adamdar kóp jınalatyn ic-sharalar ótkizýge tyıym salynady, dep habarlaıdy QazAqparat tilshisi.
Óńirdiń bas sanıtar-dárigeri sondaı-aq, ruqsat etilmegen oryndarda mal soıýdy uıymdastyrýǵa jáne ótkizýge, avtokólikterde jáne jeke úı ıelikterinde mal satýǵa bolmaıtynyn eskertti. Al, 31 shilde-2 tamyz aralyǵynda Túrkistan oblysynyń ortalyq meshitimen belgilengen qurbandyq shalýdy júzege asyratyndardy qospaǵanda, mal soıý oryndarynyń jumysy toqtatylatynyn atap ótti.
«Qurbandyq shalýǵa onlaın rejıminde www.qurban2020.kz saıtyna ótinim berý arqyly qurbandyq shalýǵa bolady. Ol tizim boıynsha áleýmettik muqtaj jandarǵa úlestiriletin bolady. Olarǵa tez buzylatyn ónimderdi (qurban bolǵan janýarlardyń eti) tasymaldaý jáne saqtaý kezinde sanıtarlyq- epıdemıologııalyq talaptar tolyq saqtalady»,- dedi Nurbek Nyshanov.
