Túrkistan oblysynda quny 1 mln teńgeden astam kúrketaýyqtardy urlap ketken
TÚRKІSTAN. QazAqparat - Ordabasy APB-ne aryzdanyp kelgen jergilikti turǵyn óziniń qus ósiretin fabrıkasyna belgisiz bireýler urlyqqa túsip, 102 dana kúrketaýyǵyn jymqyryp ketkenin aıtqan, dep habarlaıdy QazAqparat TÚrkistan oblysy Polıtsııa departamentiniń baspasóz qyzmetine silteme jasap.
Urlanǵan kúrketaýyqtyń árqaısysynyń quny 11 myń teńgeni quraıdy. Jábirlenýshige keltirilgen shyǵynnyń jalpy kólemi 1 mıllıon teńgeden astam.
Atalǵan jaıtty ordabasylyq polıtseıler QR QK 188-babynyń 3-bóligi «Urlyq» boıynsha tirkep, izdestirý jumystaryna kiristi.
Urylardy ustaýǵa jedel tergeý toby quryldy. Polıtsııa qyzmetkerleri jan-jaqty tekserý jumystaryn júrgizdi. Kórgen-bilgenderden jaýap aldy. Nátıjesinde tártip saqshylary aqparat kózderi men beınekamera arqyly 2 kúdiktini qolǵa túsirdi. Kúdiktiler Badam aýylynyń turǵyndary bolyp shyqty. Qazirgi tańda urylarǵa qatysty tergeý amaldary júrgizilýde.
Tergeý barysynda anyqtalǵandaı, atalǵan 2 kúdikti urlyqty josparly túrde uıymdastyrǵan. Sonymen qatar kúdiktiler bul iske basqa sybaılas 2 azamattyń qatysy baryn aıtty. Sondaı-aq polıtseıler qylmysty túngi 4:00 shamasynda jasaǵandary belgili boldy. Búgingi tańda 2 kúdikti qamaýda. Onyń biri buryn QR QK-niń 293-baby «Buzaqylyq» boıynsha qylmys jasap, sotty bolǵan. Qazirgi tańda kúdiktilerdiń sybaılastaryna qatysty izdestirý amaldary júrýde.
