Túrkistan oblysynda kún ysyǵaly beri jedel járdemge júginetinder kúrt ósti

TÚRKІSTAN. QazAqparat - 17 shildeden bastap Túrkistan oblysynda jedel járdem qyzmetine júginýshiler sany kúrt ósti, dep habarlaıdy QazAqparat tilshisi.

Qazirgi kezde oblystaǵy aq halattylar kúnine úsh myńǵa jýyq shaqyrtýǵa shyǵyp jatyr.

Mamandardyń aıtýynsha búginge deıin kúnine 2000 jobasynda qońyraý túsetin.

Al, 17 shildeden bastap alǵashqy kómek surap qońyraý soǵýshylar 1000 adamǵa kóbeıgen.

Sondaı-aq, naýqastanýshylardyń ishinde ystyǵy kóterilip habarlasyp jatqandar kóp.

«Kúnniń ysýy júrek-qantamyr aýrýlary men ókpeniń jáne teri aýrýlarynyń órshýine alyp kelýi múmkin. Júrek-qantamyr júıesindegi arterııalarda qan qysymy joǵarylap jáne adam organızmindegi qatty tersheńdikten, sýsyzdanýdan qan qoıýlanýy múmkin. Onyń saldarynan ınfarkt, ınsýlt aýrýlary asqynady. Aptap ystyqta muzdatqyshtan salqyn sý ishý ókpeniń qabynýyna alyp keledi. Sondyqtan saqtyq sharalaryn qatań ustaný qajet. Naýqastar únemi dári-dármegen ýaqytyly iship, kútinip júrýi tıis. Kún ystyqta múmkindiginshe syrtqy shyqpaý kerek. Bólme temperatýrasyndaǵy suıyqtyqty jıi iship otyrý mańyzdy» - deıdi Túrkistan qalalyq emhanasynyń terapevti Ardaq Shengelbaeva.