Túrkistan oblysynda kún elektr stansasy salynady
TÚRKІSTAN. QazAqparat - Búgin Túrkistan oblysynyń ákimi Janseıit Túımebaev KK-KIUNSEN kompanııasynyń dırektory Djon Eng Sýn bastap kelgen delegatsııamen kezdesti. Basqosýda taraptar óńirimizde ınvestıtsııalyq jobalardy júzege asyrý jaıyn talqylady, dep habarlaıdy QazAqparat tilshisi.
Aımaq basshysy kezdesýde óńirdiń ekonomıkalyq áleýetin tanystyryp, birlesip ınvestıtsııalyq jobalardy júzege asyrýǵa daıyn ekendikterin jetkizdi.
«Ońtústik Koreıany jańa tehnologııa, aýyl sharýashylyǵy, óndiris salalary damyǵan el retinde bilemiz. Bolashaqta atalǵan salalarda baılanys ornatyp, eki el arasyndaǵy dostyq qarym-qatynasty nyǵaıta túsemiz degen senimdemiz. Túrkistan oblysy kásiporyndar ashyp, kásipkerlik salasyn damytýǵa óte qolaıly aımaq. Sondaı-aq, óńirimizde jańa jobalar quryp, jumys isteýge nıetti ınvestorlarǵa túrli jeńildikter men múmkindikter qarastylǵan», - dedi Janseıit Túımebaev.
Kezdesý barysynda qonaqtar Báıdibek aýdanynan jalpy quny 7,4 mlrd teńge kún elektr stansasyn salý týraly usynysyn bildirdi. Jambyl aýylynda boı kóteretin stansanyń jalpy aýmaǵy 1 200 gektardy quraıdy. Joba júzege asyrylsa, 10 Mvt elektr qýaty óndiriletin bolady. Sondaı-aq, 50 adam jumyspen qamtylady.
