Túrkistan oblysynda kúdiktilerdi azaptaǵan 6 polıtseıge úkim shyqty

TÚRKІSTAN. QazAqparat – Túrkistan qalalyq sotynda 6 polıtsııa qyzmetkerine qatysty azaptaý jáne zańsyz ustaý faktileri boıynsha qylmystyq is qaraldy, dep habarlaıdy QazAqparat tilshisi.

Oqıǵa ótken jyly Saýran aýdanynda bolǵan. Aýdandyq polıtsııa bóliminiń 6 qyzmetkeri eki kúdiktini polıtsııa bóliminde zańsyz ustaǵan. Mal urlyǵyna baılanysty qylmystyq quqyq buzýshylyqtardy jasaǵandyǵyn moıyndatý, aıǵaqtardy alý, qylmysty ashý boıynsha kórsetkishti jasandy túrde kóterý maqsatynda kúdiktilerdi qorqytyp, tipti fızıkalyq kúsh qoldanǵan.

Sot otyrystarynda kúdiktiler jábirlenýshiler retinde jaýap berdi.

Prokýror polıtseılerdi kináli dep tanyp, árqaısysyna 5 jyl 6 aı merzimge bas bostandyǵynan aıyrý túrinde túpkilikti jaza taǵaıyndaýdy surady.

Al jábirlenýshiler sottalýshynyń bireýine keshirim beretindigin aıtty. Qalǵan sottalýshylarǵa prokýror suraǵan jazany taǵaıyndaýdy ótindi.

Sot úkimimen 6 sottalýshy Qylmystyq kodeksiniń 146-baby 2-bóliginiń 1), 2) tarmaqtarynda jáne 414-babynyń 1-bóliginde kózdelgen qylmystyq quqyq buzýshylyqtardy jasaǵany úshin kináli dep tanyldy.

Tórt sottalýshyǵa 4 jyl merzimge, eki sottalýshyǵa 3 jyl 6 aı merzimge bas bostandyǵynan aıyrý jazasy taǵaıyndaldy. Sondaı-aq barlyǵy arnaýly ataqtarynan jáne 3 jylǵa deıin quqyq qorǵaý organdarynda qyzmetpen aınalysý quqyǵynan aıryldy.

«Sot jaza taǵaıyndaý kezinde jeńildetetin mán-jaılardy – jábirlenýshilerdiń sottalýshyǵa keshirim bergenin, eki sottalýshynyń qylmys jasaý kezinde belsendi ról atqarmaǵanyn jáne barlyq aıyptalýshylardyń buǵan deıin isti bolmaǵynyn negizge aldy. Al aýyrlatatyn mán-jaıǵa – bergen antty buzǵany jatqyzyldy.

Jazany qylmystyq-atqarý júıesiniń ortasha qaýipsiz mekemelerinde óteý taǵaıyndaldy. Sot úkimi zańdy kúshine engen joq», - delingen Túrkistan oblystyq sotynyń baspasóz qyzmeti usynǵan habarlamada.

Eske salaıyq, 2022 jyldyń tamyz aıynda áleýmettik jelide polıtsııa basqarmasynda azaptalǵan er adamnyń daýysy jazylǵan vıdeo jarııalanǵan edi. Tekserý kezinde bul vıdeonyń Saýran aýdandyq polıtsııa bóliminde túsirilgeni anyqtaldy. ıAǵnı qoı urlaǵany úshin kúdikti retinde ustalǵan turǵan polıtseıler ózine kúsh kórsetkenin aıtqan. Tipti, basyna qap kıgizip, uryp-soqqanyn jetkizgen bolatyn. Keıinnen kúdiktiniń qylmysyn kúshpen moıyndatpaq bolǵan polıtseıler qamaýǵa alyndy.